Kina ka mohuar kategorikisht hipotezën e CIA-s se COVID-19 mund të ketë dalë nga laboratorët e saj. Zëdhënësja e Ministrisë së Jashtme Mao Nin e quajti këtë hipotezë “jashtëzakonisht të pamundur,” duke theksuar se këtë e ka vërtetuar edhe ekipi i Organizatës Botërore të Shëndetësisë gjatë vizitës së tij në laboratorin e virologjisë në Uhan, nga ku janë hedhur dyshime për origjinën e virusit. Pekini e akuzoi Washington-in se po përdor çështjen e gjurmimit të prejardhjes së koronavirusit për qëllime politike.

Vlerësimi i fundit i CIA-s, i publikuar të Dielën, sugjeron besimin se COVID-19 mund të ketë origjinën nga laboratorët në Kinë, por pa specifikuar nëse dalja ishte aksidentale apo e qëllimshme. Ky vlerësim u dha me urdhër të John Ratcliffe, kreut të CIA-s të emëruar së fundmi nga ish-presidenti Donald Trump.

Në kontrast, ish-shefi i CIA-s, William Burns, nën administratën Biden, ka refuzuar të pranojë këtë hipotezë, duke mbështetur teorinë se COVID-19 mund të ketë kaluar nga kafshët e egra tek njerëzit. Dyshimet për origjinën e virusit vazhdojnë të jenë një temë e nxehtë në politikën ndërkombëtare.