Familja mbretërore e Jordanisë ka shpallur me gëzim lajmin se Princesha Iman, vajza e madhe e Mbretit Abdullah II dhe Mbretëreshës Rania, është në pritje të fëmijës së saj të parë. Lajmi u bë i ditur nga Mbretëresha Rania përmes një postimi në Instagram, ku ajo ndau një foto të Princeshës Iman dhe bashkëshortit të saj, Dimitris Alexandros Thermiotis, i cili ka origjinë greke.

Në imazhin e publikuar, çifti shfaqet në plazh gjatë perëndimit të diellit, me siluetën e Princeshës Iman dhe barkun e saj të rrumbullakosur. Mbretëresha Rania shoqëroi fotografinë me mbishkrimin: “Dy janë çift, tre janë bekim.”

Çifti i ri u martua në një ceremoni përrallore në Pallatin Beit Al Urdun në Aman, më 12 mars 2023, dhe tani po presin gëzimin e familjes së zgjeruar.