Shërbimet e Komisariatit të Policisë Nr. 2, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, kanë finalizuar me sukses operacionin policor të koduar “Ndalesa”. Bazuar në informacionet e marra në rrugë operative, që një shtetas i armatosur po lëvizte me automjet në rrugën “Pjetër Bogdani”, janë organizuar shërbimet për kapjen e tij.

Si rezultat i këtij operacioni, u bë kapja dhe arrestimi në flagrancë i shtetasit M. K., 34 vjeç, banues në Tiranë, për veprën penale “Mbajtja pa leje dhe prodhimi i armëve, armëve shpërthyese dhe i municionit”. Gjatë kontrollit fizik të shtetasit M. K., shërbimet e Policisë gjetën një armë zjarri pistoletë me një krehër me municion luftarak, të cilat u sekuestruan në cilësinë e provës materiale, së bashku me automjetin. Materialet i kaluan Prokurorisë për veprime të mëtejshme procedurale.