Paketuesi evropian i Coca-Cola në Belgjikë ka njoftuar një tërheqje masive të disa produkteve nga tregu evropian për shkak të përmbajtjes së tepërt të klorit. Kjo tërheqje përfshin produkte të ndryshme të markave Coca-Cola, Sprite, Fanta, Fuze Tea, Minute Maid, Nalu, Royal Bliss dhe Tropico, të cilat janë shpërndarë në Belgjikë, Holandë, Britani të Madhe, Gjermani, Francë dhe Luksemburg që nga nëntori i vitit 2024.

Coca-Cola Europacific Partners Belgium ka theksuar se nuk ka një shifër të saktë për sasinë e produkteve të tërhequra, por ka nënvizuar se ajo është e konsiderueshme. Tërheqja është bërë për shkak të një ndotjeje të mundshme me klor në procesin e prodhimit, duke kërkuar kështu të sigurohen standardet e sigurisë për konsumatorët.

Kompania ka kërkuar që të gjitha produktet e prekur të kthehen për t’u ndërruar ose rimarrë nga pikat e shitjes, ndërsa konsumatorët janë njoftuar të jenë të kujdesshëm për çdo produkt të dyshimtë.