Duke nisur nga data 1 Shkurt 2025, qytetarët shqiptarë do të mund të udhëtojnë drejt Malit të Zi me policën e sigurimit “Kartoni Jeshil” me prim të reduktuar prej 50 eurosh dhe afat vlefshmërie 1-vjeçar.

Ky vendim është marrë në përputhje me rekomandimet e CEFTA-s për të lehtësuar lëvizjen e lirë të mjeteve dhe është rezultat i një procesi koordinimi midis Autoritetit të Mbikëqyrjes Financiare dhe Byrosë Shqiptare të Sigurimit.

Polica e sigurimit do të mbulojë ekskluzivisht territorin e Malit të Zi dhe do të jetë e disponueshme në pikat kufitare të Muriqanit, Hanit të Hotit, Grabomit dhe Vermoshit.

Kjo masë synon të lehtësojë lëvizjen e automjeteve dhe të forcojë shkëmbimet ekonomike ndërkufitare mes dy vendeve.