Policia e Tiranës ka finalizuar operacionin policor të koduar “Përsëritësi”, duke arrestuar shtetasin Andi Blakcori, 24 vjeç, për disa vjedhje monopatinash. Ai dyshohet se ka vjedhur monopatina në pesë raste të ndryshme në Tiranë gjatë muajve të fundit. Blakcori, i cili ka qenë i dënuar më parë për dhunë në familje, ka kryer vjedhje në zona të ndryshme të kryeqytetit, duke përfshirë datat 24 dhe 28 janar 2025.
Përkatësisht, dyshohet se ai ka vjedhur monopatina të qytetarëve A. M., Xh. G., E. I., P. S., dhe E. K. Policia ka vazhduar hetimet për zbardhjen e mundshme të vjedhjeve të tjera të kryera nga ky shtetas. Materialet procedurale do t’i kalojnë Prokurorisë për veprime të mëtejshme.
Si rezultat i këtij operacioni, u arrestua shtetasi A. B., 24 vjeç, banues në Tiranë.
Nga veprimet hetimore dyshohet se ky shtetas, gjatë muajve të fundit, ka kryer 5 vjedhje në zona të ndryshme të Tiranës, konkretisht:
– Më datë 28.01.2025, dyshohet se ka vjedhur monopatinën e shtetasit A. M.;
– Më datë 28.01.2025, dyshohet se ka vjedhur monopatinën e shtetases Xh. G.;
– Më datë 28.01.2025, dyshohet se ka vjedhur monopatinën e shtetasit E. I.;
– Më datë 27.01.2025, dyshohet se ka vjedhur monopatinën e shtetasit P. S.;
– Më datë 24.01.2025, dyshohet se ka vjedhur monopatinën e shtetases E. K.
Vijon puna për zbardhjen e vjedhjeve të tjera që mund të jenë kryer nga ky shtetas.
Materialet procedurale i kaluan Prokurorisë, për veprime të mëtejshme”, njofton policia
