Kryeministri Edi Rama u ka bërë sot thirrje shqiptarëve që jetojnë dhe punojnë në Nju-Jork, SHBA, të regjistrohen për të votuar në zgjedhjet parlamentare të 11 majit 2025.

Përmes një videokartoline të publikuar në rrjetet sociale, Rama ka rikujtuar bashkatdhetarët që të përdorin platformën elektronike të KQZ-së për regjistrim, duke theksuar se afati përfundimtar është 4 marsi.

“Me këtë videokartolinë për shqiptarët e Amerikës, të cilëve bashkë me përqafimet u përcjell edhe rikujtesën se afati i regjistrimit për të votuar më 11 maj skadon më 4 mars,” shkruan Rama në mesazhin e tij.