Robotët që ngjajnë me qentë nuk janë më një koncept i së ardhmes, por realitet. Lynx, roboti më i ri i krijuar nga kompania kineze Deep Robotics, po bën bujë në media dhe rrjetet sociale për aftësitë e tij mbresëlënëse, por edhe për shqetësimet që ka ngritur.

Lynx është një robot me katër rrota, i aftë të lëvizë me shpejtësi, të ngjitet në terrene të vështira dhe madje të bëjë kërcime së prapthi. Me një peshë prej 30 kilogramësh dhe një lartësi gati një metër, ai ka përmasat e një qeni Labrador. Shpejtësia maksimale prej 5 m/s (11 km/h) dhe aftësia për të kaluar shkallë deri në 22 cm e bëjnë atë ideal për operacione shpëtimi, duke depërtuar në zona të paarritshme për njerëzit.

Nga shpëtimi te shqetësimet për përdorim të dhunshëm

Megjithëse robotë të tillë shihen si një ndihmë e madhe në kërkimin e personave të humbur, disa njerëz kanë ngritur shqetësime për përdorimin e tij në situata të tjera. Një përdorues në rrjetet sociale shprehu frikën se një teknologji e tillë mund të përdoret për qëllime të dhunshme apo survejimi, ndërsa të tjerë e kanë vlerësuar si një arritje të jashtëzakonshme teknologjike.

Një çmim i papërballueshëm për shumicën

Pavarësisht debateve, Lynx po konsiderohet si një robot revolucionar. Megjithatë, çmimi i tij prej 17,999 dollarësh e bën të paarritshëm për shumicën e përdoruesve të zakonshëm. Për momentin, ai mbetet një investim kryesisht për kompanitë dhe institucionet që merren me kërkim-shpëtimin apo sigurinë.

Nëse Lynx do të jetë një ndihmë për njerëzimin apo një burim shqetësimi për të ardhmen, mbetet për t’u parë.