Një grup shkencëtarësh nga dy universitete në Kinë ka krijuar një “super diamant” ultra të fortë dhe me cilësi të lartë në laborator, që është shumë herë më i fortë se diamantet natyrale. Ky diamant i ri është 40% më i fortë dhe më rezistent se diamantet që janë gjetur deri më tani.

Ndryshe nga diamantet natyrale që gjejnë forma kubike, ky diamant ka një strukturë gjashtëkëndëshe, e cila është shumë më e fortë. Diamantët e tillë janë të rrallë dhe shpesh shumë të vegjël, pasi janë formuar në krateret e goditjeve të asteroidëve dhe meteorëve.

Për të krijuar këtë diamant, ekipi shkencor përdori një teknikë që përfshin ngrohjen e grafitit shumë të kompresuar, duke arritur një kristalizim të pastër dhe të mirëstrukturuar. Ky diamant është në gjendje të përballojë temperatura deri në 1100 gradë Celsius dhe ka një fortësi prej 155 giga Paskal, duke e bërë atë të shkëlqyer për përdorime industriale.

Ndryshe nga diamantët natyralë që janë të shtrenjtë, ky “super diamant” mund të prodhohet për një çmim të arsyeshëm dhe nuk do të kushtojë më shumë sesa diamantët sintetikë të zakonshëm, të cilët mund të shiten deri në 300 dollarë. Shkencëtarët theksojnë se potenciali i këtij materiali mund të hapë mundësi të reja për aplikimet industriale, por përdorimi i tij masiv do të varet nga kostot e prodhimit.