Moderatorja dhe ish-banorja e “Big Brother VIP Albania 4”, Krisa Caushi, ka reaguar pas deklaratës së të dashurit të saj, Tirit, i cili shprehu pëlqimin e tij për një banore tjetër teksa ndodhet në shtëpinë e “Big Brother”.

Nëpërmjet një postimi në rrjetet sociale, Krisa theksoi: “Ma keni nisur shumë videon ku Tiri thotë se ka nisur të pëlqejë një vajzë në Big Brother. Nuk di ç’të them, shpresoj shumë të jetë një lojë. Uroj. Nuk mund ta hedh dot njeriun e zemrës poshtë për një fjalë, sepse e di që jemi në Big Brother, është lojë provokimesh, lojë nervash.”

Krisa gjithashtu shtoi se, nëse ajo do të rikthehej në shtëpi, do të kishte shumë gjëra për të sqaruar me banorët dhe me Tirin: “Ama di të them se nëse unë futem në Big Brother, do të sqarojmë shumë gjëra të lëna pezull me banorët, por edhe me Tirin.”

Një televotim është hapur për rikthimin e tre ish-banorëve, dhe Krisa është një nga kandidatët. Rreth të ardhmes së saj në shtëpinë e “BBVA4”, vendimi do të merret në Prime-in e ardhshëm, ku do të bëhet e ditur se kush do të kthehet në shtëpi.