Kina ka ekzekutuar Yu Huain, 61 vjeçe, e cila ishte dënuar me vdekje për përfshirje në rrëmbimin dhe shitjen e 17 fëmijëve, përfshirë edhe djalin e saj. Prokuroria e Lartë e Kinës njoftoi se gjykata e shkallës së dytë në qytetin Guiyang, në provincën Guizhou, e ekzekutoi atë më 28 shkurt, pas konfirmimit të dënimit me vdekje nga Gjykata e Lartë Popullore.

Nga viti 1993 deri në vitin 2003, Yu Huain, bashkë me bashkëpunëtorët e saj, rrëmbyen dhe shisnin fëmijë nga provincat Guizhou, Yunnan dhe qyteti Chongqing, duke i transportuar ata për t’i shitur në provincën Hebei. Ky aktivitet kriminal shkaktoi një reagim të madh ndërkombëtar dhe u bë një prej rasteve më të rëndë të trafikimit të fëmijëve në Kinë.

Sipas raporteve, Yu shfaqi indiferencë ndaj viktimave dhe nuk shfaqi asnjë pendim gjatë procesit gjyqësor. Ajo ishte arrestuar më parë, por kishte shpëtuar nga një dënim më i ashpër pas një periudhe të shërbimit me tetë vjet burg.