Një operacion i përbashkët i autoriteteve spanjolle dhe portugeze ka çuar në sekuestrimin e një sasie të madhe kokaine në Costa del Sol të Spanjës dhe në Portugali.

Në kuadër të operacionit janë arrestuar tre persona, të dyshuar si pjesë e një rrjeti ndërkombëtar të trafikut të drogës.

Hetimi nisi pas informacionit se një furgon po transportonte një sasi të konsiderueshme kokaine nga Portugalia drejt Costa del Sol.

Në një pronë në Torremolinos, policia gjeti rreth 1.7 tonë kokainë, ndërsa një person u arrestua.

Ndërkohë, një tjetër automjet u ndalua në Marbella, ku u zbuluan rreth 2 tonë kokainë dhe u arrestua një tjetër i dyshuar. Gjatë kontrollit të pronës u gjet edhe një pistoletë.

Operacioni u shtri edhe në Portugali. Autoritetet ndaluan një furgon që dyshohej se përdorej për transportin e drogës dhe brenda tij gjetën rreth 1.5 tonë kokainë, si dhe dy armë me tytë të gjatë.

Në total, autoritetet sekuestruan tre armë, dy automjete dhe rreth 1,100 euro cash. Gjithashtu u sekuestruan pajisje komunikimi, kamera mbikëqyrjeje dhe mjete për shikim natën.

Tre të arrestuarit dyshohen për disa vepra penale, mes tyre pjesëmarrje në organizatë kriminale, trafik droge, armëmbajtje pa leje dhe sulm ndaj punonjësve të policisë.