Edhe pse Danja ka bërë të qartë që është në një lidhje që në ditët e para të qëndrimit të saj në “Big Brother VIP” (BBV), kjo nuk e ka ndaluar G Banin të shprehte hapur pëlqimin për të. Këngëtari, pas skualifikimit të tij nga gara, është rikthyer dhe ka nisur flirtimet me Danjën, gjë që ka shkaktuar tensione jashtë shtëpisë.

I dashuri i Danjës, Redi, ka reaguar në rrjetet sociale, duke thënë: “Po më soset durimi! Nuk i kam borxh gjë”. Ky reagim tregon se situata ka krijuar pasiguri dhe tension në lidhje, duke bërë që Redi të shprehë pakënaqësinë e tij për flirtimet e G Banit.