Policia e Beratit ka finalizuar operacionin policor të koduar “Wanted”, duke kapur dhe arrestuar shtetasin Mikel Berisha, 47 vjeç, me qëllim ekstradimin drejt Italisë.

Berisha ishte në kërkim ndërkombëtar nga autoritetet italiane, të cilat e akuzojnë si pjesëtar të një organizate kriminale që kryente vjedhje me dhunë. Ai u kap dhe u arrestua në qytetin e Beratit, ndërsa po merret në hetime për ekstradimin e tij në Itali për të vijuar procedurat ligjore.

Ky arrestim është pjesë e përpjekjeve të vazhdueshme për të kapur individë të kërkuar ndërkombëtarisht për aktivitete kriminale.

Si rezultat i kontrolleve të kryera bazuar në informacionet e siguruara nga inteligjenca policore, për vendndodhjen e një shtetasi në kërkim ndërkombëtar, Shërbimet Operacionale të Drejtorisë Vendore të Policisë Berat, në bashkëpunim me Seksionin për Hetimin e Narkotikëve, kanë organizuar dhe finalizuar operacionin policor të koduar “Wanted”.

Gjatë këtij operacioni, u kap në Berat dhe u arrestua me qëllim ekstradimin në Itali, shtetasi M. B., 47 vjeç, banues në Berat.

Ky shtetas ishte shpallur në kërkim ndërkombëtar pasi Gjykata e Benevento, Itali, me vendimin e datës 16.07.2019, i ka caktuar masën e sigurisë “Arrest në burg”, për veprat penale “Grup kriminal në vjedhje me dhunë”, sipas Kodit Penal të Italisë.

Interpol Tirana dhe Interpol Roma do të kryejnë procedurat për ekstradimin e këtij shtetasi, në Itali.