Policia e Vlorës ka vijuar operacionet për goditjen e krimeve ndaj pronës, duke zbardhur disa raste vjedhjesh në Sarandë dhe Vlorë.

🔹 Arrestohet në Sarandë 36-vjeçari Antonio Zilfaj

Strukturat hetimore të Komisariatit të Policisë Sarandë arrestuan Antonio Zilfaj, 36 vjeç, banues në Ksamil, i shpallur më herët në kërkim për vjedhje me anë të mashtrimit në një karburant dhe i dyshuar për vjedhje në dy subjekte tregtare.

Sipas hetimeve:

• Më 28 shkurt 2025, dyshohet se ka vjedhur një shumë parash në dy subjekte tregtare në Ksamil.

• Më 22 shkurt 2025, në një karburant në fshatin Çlirim, bashkia Finiq, ai u paraqit me një automjet me qira, me targa të mbuluara, furnizoi makinën me naftë dhe u largua pa kryer pagesën.

🔹 Në Vlorë, shpallet në kërkim 37-vjeçari Dritan Bardhi

Strukturat hetimore të Komisariatit të Policisë Vlorë dokumentuan një rast të vjedhjes dhe një tentativë vjedhjeje në dy subjekte tregtare në qytet. Për këto raste, u shpall në kërkim Dritan Bardhi, 37 vjeç, banues në Vlorë, i dyshuar si autor.

• Më 25 shkurt 2025, ai tentoi të hynte me forcë për të vjedhur në një subjekt tregtar në lagjen “Pavarësia 3”.

• Më 27 shkurt 2025, ai dyshohet se ka vjedhur materiale elektrike në një subjekt tregtar në lagjen “Pavarësia 2”.

Policia vijon punën për lokalizimin dhe arrestimin e tij.

Materialet procedurale për të dyja rastet iu referuan prokurorive përkatëse për veprime të mëtejshme.