Një tjetër operacion i gjerë i realizuar nga Prokuroria e Posaçme (SPAK) dhe Policia e Shtetit ka çuar në goditjen e disa grupeve kriminale të përfshira në trafikun e drogës.
Sipas burimeve, janë lëshuar rreth 10 masa sigurie nga Gjykata e Posaçme Kundër Korrupsionit dhe Krimit të Organizuar (GJKKO), ndërsa operacioni ka prekur disa qytete, përfshirë Tiranën, Kukësin, Fierin, Vlorën, Gjirokastrën dhe Sarandën.
Zyrtarë të policisë mes të arrestuarve!
Ndër të arrestuarit janë katër oficerë të policisë, të cilët akuzohen për lidhje me grupet kriminale dhe trafik droge.
✅ Shkëlzen Ruska, shef i krimeve në Himarë, akuzohet për:
• Kultivim kanabisi
• Pjesëmarrje në grup të strukturuar kriminal
• Shpërdorim detyre
• Veprime të tjera të kryera nga organizata kriminale
✅ Ervis Alisinanaj, shefi i Krimeve në Komisariatin e Lushnjes, akuzohet për:
• Kultivim kanabisi
• Pjesëmarrje në grup kriminal
• Shpërdorim detyre
• Ushtrim i ndikimit të paligjshëm ndaj funksionarëve publikë
🚨 Elvis Dërvishi, shefi i Komisariatit të Policisë Kufitare në Sarandë, është shpallur në kërkim dhe akuzohet për:
• Trafikim narkotikësh
• Grup të strukturuar kriminal
• Kryerja e veprave penale nga organizata kriminale
• Shpërdorim detyre
✅ Erdit Hazizaj, ish-punonjës policie i larguar në vitin 2022, u arrestua për:
• Trafik droge
• Kultivim bimësh narkotike
• Pjesëmarrje në grupe kriminale
Hetimet zbuluan lidhjet me grupet kriminale!
SPAK ka zhvilluar hetime të gjata për këta zyrtarë, duke zbuluar lidhjet e tyre me bandat kriminale nëpërmjet aplikacioneve të koduara si Sky Ecc. Këta efektivë rezultojnë të përfshirë në trafik droge, kultivim të bimëve narkotike dhe veprimtari të tjera kriminale.
Ky operacion është një tjetër goditje ndaj korrupsionit në radhët e policisë, ndërsa hetimet vijojnë për të identifikuar të tjerë të implikuar në rrjetin e trafikut të drogës.
