Një aksident automobilistik është regjistruar pasditen e së dielës, rreth orës 17:10, në aksin rrugor “Tepelenë-Krahës”.
Sipas policisë, drejtuesi i mjetit, shtetasi Y. S., 51 vjeç, banues në Memaliaj, ka humbur kontrollin e automjetit, duke bërë që makina të dalë nga rruga.
Pasojat e aksidentit:
51-vjeçari ka mbetur i plagosur dhe është dërguar menjëherë në spitalin e Tepelenës për ndihmë mjekësore. Fatmirësisht, ai ndodhet jashtë rrezikut për jetën.
Grupi hetimor po punon për zbardhjen e shkaqeve të aksidentit.
