Autoritetet britanike kanë dënuar me burg tre shqiptarë pasi u shpallën fajtorë për trafikim të lëndëve narkotike, kryesisht kokainë. Gjykata e Ipswich dha vendimet e dënimit për:
• Azem Ferizolli, 24 vjeç – 8 vite e 6 muaj burg
• Halit Ferizolli, 34 vjeç – 9 vite burg
• Genart Loca, 23 vjeç – 7 vite burg
Hetimet zbuluan se ky grup kriminal ka qenë aktiv në trafikun e kokainës në Britani gjatë viteve 2020-2022.
Në vitin 2023, pesë anëtarë të tjerë të të njëjtit rrjet u dënuan me një total prej 15 vitesh burg, ku përfshiheshin:
• Avenis Dida, 22 vjeç – 2 vite e 8 muaj burg
• Hayg Boduryan, 33 vjeç – 4 vite burg
• Kastriot Rexha, 24 vjeç – 2 vite e 8 muaj burg
• Arxhend Bera, 18 vjeç – 2 vite e 6 muaj burg
• Artan Kastrati, 33 vjeç – 3 vite e 2 muaj burg
Gjatë bastisjeve, oficerët britanikë sekuestruan 50,000 £ cash, dy ora Rolex me vlerë 25,000 £, veshje dhe aksesorë luksi me vlerë 10,000 £, si dhe një Toyota Prius me vlerë 7,000 £. Policia gjeti gjithashtu kokainë dhe një pasaportë të dyshuar false.
Dënimi i këtyre individëve është pjesë e operacioneve të vazhdueshme të autoriteteve britanike për goditjen e rrjeteve të trafikimit të drogës në vend.
