Modelja dhe ish-e dashura e Kanye West, Amber Rose, ka bërë një deklaratë të fortë lidhur me influencën e reperit në stilin e veshjes së partnereve të tij.

Në një intervistë për podcast-in Club Shay Shay, Amber u pyet për veshjet provokuese të bashkëshortes aktuale të Kanye-t, Bianca Censori, duke përfshirë fustanin e saj krejtësisht të tejdukshëm në tapetin e kuq të Grammy Awards.

“Kanye me siguri do ta veshë atë kështu. Po, ai bëri të njëjtën gjë me mua dhe Kimin. Ai është i tillë,” – deklaroi Amber, duke lënë të kuptohet se reperi ka një ndikim të fortë mbi mënyrën se si vishen partneret e tij.

Amber dhe Kanye ishin të lidhur në vitin 2008, por ndarja e tyre në 2010 ishte e bujshme. Modelja e ka akuzuar më parë reperin për komente fyese dhe ngacmime, përfshirë etiketimin e saj si një “prostitutë”.

Deklarata e Amber Rose ka nxitur debat në rrjetet sociale, duke rikthyer vëmendjen tek marrëdhënia e Kanye-t me partneret e tij dhe mënyra se si ai ndikon në imazhin e tyre publik.