Një 28-vjeçar shqiptar nga Konispoli, Pajtim Kaleshi, ka rënë në prangat e policisë greke, pas një operacioni që çoi në goditjen e një rrjeti të trafikut ndërkombëtar të kokainës.
Kapja e 17.3 kg kokainë në aeroportin e Athinës
Policia greke identifikoi fillimisht 30-vjeçarin Iosif Samha, me precedentë penalë për vepra të ngjashme, teksa mbërriti në aeroportin “Eleftherios Venizelos” me avion nga një vend i huaj.
• Në dy valixhet e tij, policia gjeti dhe sekuestroi 16 pako me 17.3 kg kokainë.
• Hetimet zbuluan se droga ishte marrë në Brazil dhe kishte kaluar tranzit përmes Katarit, për të mbërritur në Athinë.
Lidhja me rrjetin shqiptar të trafikut
Hetimet zbuluan se 30-vjeçari grek transportonte kokainën për llogari të një shtetasi shqiptar, me inicialet A. S, i cili është shpallur në kërkim.
• Me urdhër të këtij të fundit, lënda narkotike do të dorëzohej tek Pajtim Kaleshi, i cili do të kujdesej për shpërndarjen e saj në Athinë.
Arrestimi i Pajtim Kaleshit
• Policia greke e pikasur jashtë aeroportit, ku priste të merrte drogën dhe e ka arrestuar në flagrancë.
• Gjatë operacionit u sekuestruan:
• 17.3 kg kokainë
• Automjeti i Pajtim Kaleshit
• 3 celularë
• 590 euro cash
Vijojnë hetimet për rrjetin kriminal
Policia greke po vijon hetimet për të zbuluar persona të tjerë të përfshirë në këtë rrjet trafiku, ndërsa A. S mbetet ende në kërkim.
