Presidenti turk, Recep Tayyip Erdogan, gjatë një takimi online të organizuar nga Bashkimi Evropian, u shpreh se planifikimi i të gjitha hapave të sigurisë në bashkëpunim me Europën dhe Turqinë është në interes të të dyja palëve. Takimi u mbajt në Mansionin Vahdettin në Stamboll.

Erdogan theksoi rëndësinë e rikthimit të negociatave për anëtarësim të plotë të Turqisë në BE, duke kërkuar një qasje të drejtë dhe gjithëpërfshirëse. Ai shprehu pritshmërinë për një vizion strategjik nga Bashkimi Evropian dhe kërkoi rigjallërimin e bisedimeve për anëtarësim.

Gjithashtu, Erdogan kritikoi përjashtimin e Turqisë nga programet e BE-së për furnizime mbrojtëse dhe rindërtim në Ukrainë, duke theksuar domosdoshmërinë e përfshirjes së Turqisë në mekanizma si Fondi Evropian i Paqes, i cili synon rimëkëmbjen e Ukrainës pas luftës.

“Ne besojmë se nuk ka asnjë justifikim për të na përjashtuar nga programet e prokurimit ose rindërtimit të produkteve të mbrojtjes së BE-së,”