Cubi, i cili ka një marrëdhënie të ngushtë miqësie me Eglin, ka ndarë mendimet e tij lidhur me sjelljen e saj në shtëpinë e Big Brother Vip dhe analizën e marrëdhënies me Gjestin. Ai theksoi se, kur e krahasoi me Eglin që ai njohu jashtë, ajo dukej e rënduar dhe e lodhur gjatë qëndrimit në shtëpi. Cubi theksoi se Egli nuk ishte ajo që ai kishte njohur dhe që kishte takuar gjatë gjithë kohës.

Unë e kam shoqe dhe mikeshë prej shumë vitesh tashmë dhe e njoh shumë mirë dhe nga afër dhe sjelljet e saj dhe mënyrën se si vepron dhe mendon të gjitha gjërat. Padiskutim që duke e krahasuar me Eglin jashtë ajo ishte e rënduar. Nuk ishte ajo Egli më saktë që unë njoh dhe që kam folur edhe jam takuar gjatë gjithë kohës.

E dëmtoi loja apo bëri diçka gabim?

E dëmtoi verbëria mendoj unë që pati ndaj Gjestit që e donte me patjetër në formën e saj. Pati një moment që njerëzit mendonin që është lojë dhe ajo e ka si strategji loje këtë pjesën e dashurisë. Unë nuk mendoj se e kishte lojë me aq sa unë e njoh Eglin. Ajo ra vërtetë në dashuri me atë djalin dhe nuk pranoi dot faktin më pas që nuk mori të njëjtën gjë që dha. Prandaj jemi në këtë situatë.

Duke qenë se Cubi e njeh Eglin edhe nga jashtë, e keqmenaxhoi ajo, e keqpërdori situatën Gjesti, apo ishte një gabim i të dyve?

Unë mendoj që ishte gabim i të dyve. Edhe ajo e keqmenaxhoi ndoshta në një moment dhe nuk e kapi situatën në kohë dhe që të tërhiqej atëherë ndoshta edhe kur banorët e tjerë i thanë. Edhe pse asaj ju duk sikur Rozana iu kthye kundra, në fakt Rozana po përpiqej që ti hapte sytë në shumë momente.