Një shtetas shqiptar është plagosur rëndë në orët e para të mëngjesit të sotëm në Neapoli, Selanik, pas një sulmi me armë zjarri nga një person ende i paidentifikuar.

Ngjarja ndodhi rreth orës 05:00, teksa shqiptari ndodhej jashtë një dyqani së bashku me një shok, kur autori ka hapur zjarr ndaj tij. Viktima u qëllua dy herë në bark dhe u transportua me urgjencë në spitalin “Ippokrateio”, ku ndodhet në gjendje të rëndë.

Policia greke ka nisur hetimet për zbardhjen e plotë të ngjarjes dhe identifikimin e autorit. Sipas burimeve, sulmuesi ka mbërritur dhe është larguar nga vendngjarja në këmbë, duke mos lënë asnjë gjurmë të qartë.

Hetimet vijojnë për të zbuluar motivin e sulmit dhe për të arrestuar autorin.