Për të tretën ditë me radhë, kryeministri Edi Rama ka zhvilluar takime me drejtuesit politikë të Partisë Socialiste në kuadër të përgatitjeve për zgjedhjet parlamentare që do të mbahen më 11 maj.

Takimet filluan mëngjesin e së dielës në orën 09:00, për t’u ndërprerë rreth orës 14:00 dhe rinisën në orën 15:00, përfunduan në 18:00. Gjatë takimeve, kryeministri ka diskutuar me drejtues politikë të qarqeve si Eduart Shalsi, për qarkun e Kukësit, Ogerta Manastirliu për Tiranën, dhe Elisa Spiropalin.

Për momentin, nuk ka pasur ndonjë vendim përfundimtar për kandidatët, pasi vendimi final për listat do të merret në mbledhjen e kryesisë socialiste, e cila do të mbahet më 12 mars.

Përmenden gjithashtu disa kryebashkiakë që kanë shprehur interes për të qenë në listat e deputetëve, si Ervin Demon (Bashkia e Beratit), Juliana Mema (Bashkia e Dimalit), Tërmet Peçi (Bashkia e Tepelenës) dhe Agron Malaj (Bashkia e Matit).

Rama ka theksuar se në listën e mbyllur do të ketë prioritet përfaqësimi i grave dhe vajzave, ndërsa për listën e hapur do të përfshihen eksponentë të PS-së që kanë më shumë se dy mandate dhe do të konkurrojnë për një vend në Parlament.