Spektakli i sotëm i “Big Brother VIP 4” solli një surprizë të madhe për banorët dhe publikun: hyrjen e Xhenetës, ish-të dashurës së Gjestit. Ajo u bë pjesë e sfidës së Vëllait të Madh, ku banorët nuk duhet të reagojnë ndaj asnjë situate të re brenda shtëpisë, pavarësisht tronditjes që mund të përjetojnë.
Pas hyrjes së fitueses së edicionit të kaluar, Egla Ceno, dhe aktorit të humorit Juxhin Plovishti, prania e Xhenetës ishte një nga momentet më të papritura të mbrëmjes. Hyrja e saj pritet të ndikojë jo vetëm te Gjesti, por edhe në dinamikën e lojës dhe marrëdhënieve mes banorëve.
Si reagoi Gjesti?
Të gjithë sytë ishin tek ai në momentin që Xheneta kaloi pragun e shtëpisë. Fillimisht, Gjesti u duk i befasuar, por shpejt u përpoq të ruante qetësinë për të mos thyer rregullat e sfidës. Megjithëse nuk pati një reagim të drejtpërdrejtë, ishte e dukshme se prania e ish-partneres i krijoi një situatë të sikletshme.
“I shikoni thonjtë e këmbës? Dikush m’i ka puthur gishtat e këmbës! Sa të bukur i kam”- tha Xheneta, teksa qëndronte pranë Gjestit.
Gjesti dëgjohet teksa thotë: Është e pashpjegueshme kjo fantazma nëpër shtëpi.
