Komisioni Shtetëror i Zgjedhjeve do të mblidhet mesditën e kësaj të mërkure për të certifikuar zgjedhjet e 25 prillit. Mbledhja do të fillojë në orën 12:00 ku do të zyrtarizohen rezultatet dhe deputetët për çdo qark të Shqipërisë.

Kjo vjen menjëherë pas përfundimit të procesit të ankimimit në KAS dhe Kolegj Zgjedhor. Partia Demokratike dhe LSI pretenduan në disa qarqe të vendit për parregullsi dhe blerje vote duke kërkuar rinumërim të votave.

Në disa prej qarqeve u zhvillua rinumërimi i një pjese të kutive të votimit, por pa ndryshuar rezultatin.