Ish-kryeministri italian dhe senatori Matteo Renzi do të vizitojë kampin e Gjadrit në Lezhë këtë të mërkurë, pas një vendimi të rëndësishëm nga gjykata italiane që i dha të drejtë qeverisë italiane për marrëveshjen me Shqipërinë për emigrantët.

Kryeministrja italiane, Giorgia Meloni, ka shprehur mbështetje të plotë për realizimin e këtij projekti dhe është e vendosur për të ecur përpara me implementimin e tij.

Sipas marrëveshjes, e nënshkruar më 6 nëntor 2023 mes dy qeverive, porti i zbarkimit të refugjatëve nga vendet e treta është Shëngjini, ku është ngritur një qendër pritëse. Po ashtu, në Gjadër është ngritur kampi ku emigrantët do të qëndrojnë deri në shqyrtimin e kërkesave të tyre për azil.