Një 39-vjeçar është arrestuar në fshatin Përlat, Manzë, pasi goditi me sende të forta shërbimet e Urgjencës dhe autoambulancën që kishin shkuar për t’i ofruar asistencë mjekësore. Ngjarja ndodhi pasi shërbimet e Urgjencës së Spitalit të Durrësit u njoftuan për një rast emergjence dhe arritën në vendngjarje.

Pas njoftimit, forca të policisë nga Stacioni i Policisë Manzë mbërritën në vendin e ngjarjes dhe arrestuan shtetasin L. D., i cili gjatë shoqërimit ka kanosur dhe kundërshtuar punonjësit e Policisë. Policia ka sekuestruar provat dhe ka dërguar materialet procedurale në Prokurorinë pranë Gjykatës së Shkallës së Parë Durrës për veprime të mëtejshme.

L. D. akuzohet për disa vepra penale, përfshirë “Shkatërrimi i pronës”, “Kundërshtimi i punonjësit të policisë”, “Goditjet për shkak të detyrës” dhe “Kanosja për shkak të detyrës”.