Edmond Naska, 72 vjeç, i cili bëri bujë vitin e kaluar për shkak të një incidenti në të cilin qëlloi me kallash nga ballkoni i shtëpisë së tij në Korçë, ka ndërruar jetë në banesën e tij. Naska, i cili vuante nga probleme të shëndetit mendor, jetonte i vetëm në lagjen 16 të qytetit.
Ngjarja e vitit të kaluar shkaktoi panik, kur Naska qëlloi me armë drejt kalimtarëve, duke detyruar ndërhyrjen e forcave të RENEA-s për neutralizimin e tij. Sipas burimeve paraprake, nuk janë gjetur shenja dhune në trupin e tij, megjithatë, trupi i pajetë do të dërgohet për ekspertizë mjeko-ligjore për të sqaruar shkaqet e vdekjes.
