Këshilli i Ministrave ka marrë vendimin që datat 15 dhe 16 maj 2025 të shpallen ditë pushimi për punonjësit e disa institucioneve të administratës shtetërore, për shkak të Samitit të Komunitetit Politik Evropian që do të mbahet në Tiranë.
Vendimi përfshin institucionet shtetërore që kanë selinë në territoret e bashkive Tiranë, Kamzë, Vorë dhe Krujë, përjashtuar Forcat e Armatosura, Policisë së Shtetit, Gardën e Republikës, shërbimin zjarrfikës dhe punonjësit e sistemit shëndetësor.
Si pasojë e këtij vendimi, ditët e punës të 15 dhe 16 maj 2025 do të zëvendësohen me ditë pushimi gjatë vitit 2025, për punonjësit e administratës shtetërore që janë përfshirë në këtë masë.
Ky vendim hyn në fuqi pas botimit në Fletoren Zyrtare.
