Kryeministri Edi Rama theksoi rolin kyç të grave dhe vajzave në zhvillimin e Shqipërisë dhe integrimin e saj në Bashkimin Evropian, gjatë fjalës së mbajtur në takimin “Vajzat dhe Gratë Socialiste për Shqipërinë 2030”. Rama vlerësoi mbështetjen masive të grave dhe vajzave shqiptare për Partinë Socialiste, duke e cilësuar këtë si një faktor të rëndësishëm për suksesin e vendit.
Në fjalimin e tij, Rama u shpreh: “Shqipëria është grua, Evropa është grua”, duke theksuar se përpjekjet për një Shqipëri të fuqishme dhe të integruar në BE varen nga angazhimi i grave. Ai po ashtu nënvizoi se PS mbështetet fuqimisht nga 56% e grave dhe vajzave të Shqipërisë, me një mbështetje edhe më të lartë në disa qarqe të vendit.
Kryeministri Rama i falënderoi gratë dhe vajzat për angazhimin e tyre, duke i cilësuar ato si pjesën më të ndjeshme dhe sakrifikuese të popullit shqiptar. Ai gjithashtu theksoi se mbështetja e grave është më e rëndësishme se çdo mbështetje tjetër dhe është kyçi për të realizuar suksesin e Shqipërisë në vitin 2030.
Fjalimi i Edi Ramës:
“Shumë faleminderit dhe ndërkohë që do të përpiqem të rregullojnë defektin Teknik që unë besoj se ishte i mirëseardhur se ishte orëvajtja e fundit e syrit të keq.
Të dashura nëna, motra, bija kudo ku jeni, sot jemi mbledhur njëkohësisht në 12 qarqert e vendit, ku po zhvillohen 12 garat e përballjes elektorale për kuvendin e ardhshëm për të nisur zyrtarisht fushatën e 11 majit. Dhe duke qenë se ishte e vetmja mënyrë për të lidhur bashkë të gjitha forcat komando të forumit të gruas menduam se më e udhës ishte të mblidheshin drejtuesit dhe koordinatoret e çdo qarku për të përcjellë nga këtu dhe bashkë me ju për të gjitha gratë dhe vajzat një mesazh të drejpërdrejtë: Shqipëria është grua, Evropa është grua dhe suksesi i përpjekjes për Shqipërinë 2030 në BE varet në radhë të parë nga nënat, motrat dhe bijat e Shqipërisë.
Nuk ka asgjë që mua më bën më shumë krenar për PS sesa fakti që kjo forcë politike mbështetet fuqimisht nga gratë dhe vajzat e Shqipërisë. PS e mbështesin në rang kombëtar 56 përqind e zgjedhësve gra dhe vajza ndërsa në qarqe të caktuara mbështetja shkon në 65 përqind. Kjo do të thotë se te burrat dhe djemtë mbështetja është më e ulët për ne se sa te gratë dhe vajzat dhe nëse te gratë dhe vajzat avantazhi ynë ndaj kënetës është i madh, te burrat është më i ngushtë. Mbështetjen kuptimplotë, prekëse dhe inkurajuese të pjesës më të ndjeshme, më të arsyeshme, sakrifikuese të popullit, gratë dhe vajzat nuk do ta ndërroja kurrë me mbështetjen e pjesës tjetër.”
