Gjykata e Durrësit ka vendosur të lërë në burg, 55-vjeçarin, Sulo Pajo shoferin e kamionit ku u sekuestruan 17 kilogramë heroinë.

Lënda narkotike u sekuestrua në portin e Durrësit pas një hetimi dhe  aksioni të nisur nga policia e Shkodrës.

Droga ishte fshehur brenda një kamioni me targa shqiptare dhe që kishte si destinacion Malin e Zi. Mësohet se për një kontroll më të specializuar kamioni është shoqëruar në Portin e Durrësit, ku dhe rezultoi se ishte fshehur lënda narkotike.

Më datë 26 qershor, strukturat hetimore të Drejtorisë Vendore të Policisë Shkodër, në bashkëpunim me strukturat e Policisë Kufitare të DVKM Shkodër, në bazë të informacioneve të marra në rrugë operative, bazuar dhe në analizën e riskut, kanë kaluar për kontroll në vijën e dytë, në pikën e kalimit kufitar Hani i Hotit, një kamion me targa shqiptare që po qarkullonte për në drejtim të Malit të Zi.

Nga kontrolli i specializuar rezultoi se ne kamion kishte te fshehur rreth 17 kilograme lende narkotike te dyshuar heroine.