Pak ditë pas masakrës me 4 të vrarë në Velipojë, prej orëve të para të mëngjesit policia ka nisur një aksion për të hequr çadrat dhe shezlongët të cilat janë pa leje.
Operacioni nisi nga zona e Durrësit, ku sipas policia janë evidentuar 11 parcela pa leje nga të cilat janë hequr 550 shezlongë dhe 280 çadra.
Në këtë operacion u angazhuan 2 grupe të FNSH-së, 2 grupe të Shqiponjës si dhe patrulla të Policisë së Kavajës.
Kontrollet filluan nga Përroi Agait në drejtim të Karpenit gjatë së cilës, policia nuk raporton asnjë problematikë.
Ka qenë pikërisht sherri për shezlongët, që degjeneroi në përdorimin e armëve mes dy fiseve në Velipojë, duke shkaktuar 4 të vrarë, mes tyre edhe një 20-vjeçar i pafajshëm.
