Pas një rrugëtimi të mbushur me emocione, debate dhe pasiguri brenda shtëpisë së “Big Brother VIP Albania 4”, Gjesti dhe Egli Tako duket se kanë vendosur të ecin përpara së bashku. Dyshja, marrëdhënia e të cilëve shpeshherë u vu në dyshim gjatë spektaklit, janë shfaqur më të bashkuar se kurrë në mbrëmjen festive pas finales.
Të buzëqeshur dhe të përqafuar, Gjesti dhe Egli kanë lënë pas pasiguritë dhe kanë zgjedhur të investojnë në një marrëdhënie të re jashtë kamerave. Egli e ka vulosur këtë hap me një video të publikuar në Instagram, ku shkruan: “Dje, sot dhe nesër”, një mesazh i qartë për ndjenjat që e lidhin me Gjestin.
Fansat e tyre janë entuziazmuar nga lajmi dhe kanë mbushur rrjetet sociale me urime për çiftin, të cilët tashmë nisin një kapitull të ri larg izolimit të shtëpisë më të famshme në Shqipëri.
