Moderatorja e njohur e emisionit “Ferma Club”, Ditea Berisha, ka folur pa komplekse për jetën e saj personale gjatë një interviste në emisionin “2984” me Albano Bogdon në Vizion Plus. E pyetur nëse është në një lidhje, Ditea u përgjigj me sinqeritet:
“Jo, nuk kam të dashur aktualisht.”

Deklarata e saj vjen në një periudhë të suksesshme për të, si prezantuese e një formati që më parë e ka përjetuar edhe si konkurrente. Ish-fermerja e “Ferma VIP 1” rrëfeu se pjesëmarrja në reality-show ka qenë një pikë kthese në jetën e saj:

“Më ka rritur shumë. Tani nuk e kam më problem të jem në ekran, siç e kisha më parë.”

Ajo u shpreh mirënjohëse për eksperiencën e veçantë që i ka dhënë “Ferma”, duke e cilësuar si një përjetim të jashtëzakonshëm:

“Ka qenë shumë e bukur. Kush di ta përjetojë, i merr më të mirën.”

Ditea vazhdon të jetë një nga figurat më të dashura për publikun, duke ndarë shpesh herë me fansat anë të panjohura të jetës dhe karrierës së saj.