Një 45-vjeçar me inicialet B. S. është arrestuar nga Policia e Tiranës, pas dyshimeve se ka ushtruar dhunë ndaj vajzës së tij.

Sipas njoftimit zyrtar, ndërhyrja është kryer nga specialistët për Hetimin e Krimeve të Komisariatit të Policisë Nr. 6, të cilët kanë marrë masat menjëherë pas marrjes së informacionit.

Policia bën me dije se kanë nisur hetimet për të zbardhur rrethanat e plota të ngjarjes, ndërsa i dyshuari ndodhet aktualisht në pranga dhe do të përballet me akuzat për dhunë në familje.