Operacioni policor i koduar “Pako 2” kundër trafikimit të lëndëve narkotike, nëpërmjet shërbimit postar, ka vazhduar në Tiranë me arrestimin e porositësit të një pakoje me rreth 1.07 kilogramë Cannabis.

Në vijim të operacionit, shërbimet e Qarkullimit Rrugor dhe Seksionit të Narkotikëve, pas kontrollesh të mbështetura nga inteligjenca policore, kanë lokalizuar dhe kapur shtetasin G. P., 23 vjeç, banues në Tiranë, i cili dyshohet se ka porositur pakon nga ShBA. Pakon e ka marrë shtetasi M. H., 19 vjeç, i cili u arrestua disa ditë më parë, po në kuadër të këtij operacioni.

Materialet procedurale iu referuan Prokurorisë së Tiranës për veprime të mëtejshme.