Në një intervistë të fundit, opinionistja Zhaklina Lekatari ka komentuar me tone të ashpra marrëdhënien që u krijua mes Gjestit dhe Eglit brenda shtëpisë së “Big Brother VIP Albania 4”. Ajo e cilësoi këtë lidhje si “toksike dhe të dëmshme për të dy palët”, duke shtuar se Egla kishte pasur një rol manipulues gjatë gjithë kohës në raport me Gjestin.

Zhaklina e përshkroi marrëdhënien e tyre si një pasqyrë të qartë të marrëdhënieve të brezit të ri, Gen Z, që sipas saj, karakterizohen nga dinamika emocionale të paqëndrueshme, tensione, ndarje e ribashkime të shpeshta dhe një varësi emocionale që i bën lidhjet më shumë një “strehë” sesa një partneritet të shëndetshëm.

“Më ka lënë një shije të marrëdhënies së gjeneratës Z, që nuk është një dashuri klasike, nga ato dashuritë me fejesa, martesa, unaza”, – tha ajo.

Sipas Zhaklinës, kjo nuk ishte një dashuri e qëndrueshme, por më shumë një nevojë për mbështetje emocionale në një ambient të izoluar, ku Gjesti dhe Egla shërbenin si “ishull shpëtimi” për njëri-tjetrin, të bashkuar më shumë nga rrethanat sesa nga ndjenja të thella.

Ky koment i saj ka ngjallur debat mes fansave të dyshes, duke ndarë rrjetin mes atyre që e mbështesin vlerësimin e Zhaklinës dhe atyre që besojnë se marrëdhënia e Gjestit me Eglin ishte autentike dhe përjetoi një zhvillim natyral në kushtet e izolimit të formatit.