Strukturat e Policisë së Tiranës kanë finalizuar me sukses operacionin “Logo”, zhvilluar nga Komisariati i Policisë Nr. 1, në kuadër të punës hetimore intensive për zbardhjen e vjedhjeve dhe vënien para drejtësisë të autorëve.
Si rezultat i këtij operacioni, u kap dhe u vu në pranga shtetasi E.(D.) D., 40 vjeç, banues në Tiranë, i dënuar më parë për të njëjtën vepër penale. Sipas hetimeve, ai dyshohet se gjatë katër muajve të fundit ka vjedhur në mënyrë të përsëritur në të njëjtin dyqan, duke marrë 7 palë syze, me një vlerë totale rreth 11 200 euro.
Policia bën me dije se hetimet vijojnë për të verifikuar nëse 40-vjeçari është i përfshirë edhe në vjedhje të tjera në kryeqytet. Ndaj tij rëndon akuza për “Vjedhje të kryer më shumë se një herë”.
