Beatrix Ramosaj zbulohet se është në një marrëdhënie të re pas më shumë se 2 vitesh

Pas historisë së përfolur me Donald Veshajn, Beatrix Ramosaj ka zgjedhur të tërhiqet nga vëmendja mediatike dhe të nisë një jetë të re në Shtetet e Bashkuara. Kohët e fundit, këngëtarja ka dhënë disa sinjale që sugjerojnë se ajo ka gjetur sërish dashurinë.

Në një postim të fundit në Instastory, Beatrix ndau një foto me mbishkrimin “Të dua ty” në anglisht, një gjest që nxiti aludimet për një lidhje të re. Sipas burimeve të afërta me këngëtaren, ajo ndodhet në një marrëdhënie me një partner të huaj, të cilin e mban larg vëmendjes së rrjeteve sociale dhe nuk e ka zbuluar ende publikisht.

Miqtë e Beatrix mbeten të rezervuar dhe nuk kanë dhënë asnjë informacion më shumë, duke shtuar kështu misterin mbi jetën e saj private. Publiku mbetet në pritje të një konfirmimi apo një postimi të drejtpërdrejtë nga Beatrix për të zbuluar më shumë rreth lidhjes së saj të re.