Kreu i Partisë Demokratike, Sali Berisha, ka ftuar sërish Kryeministrin Edi Rama në një debat publik për të prezantuar kandidatët dhe programet e tyre. Gjatë një takimi në Kuçovë, Berisha ka theksuar se Rama nuk ka guximin të dalë përballë tij dhe qytetarëve, duke e akuzuar se është i tmerruar nga disfatën e tij të ardhshme.
“Ka 12 vite që ke qeverisur, unë kam 12 vite që nuk kam qenë në pushtet. Hajde, tregoj qytetarëve çfarë ke bërë dhe çfarë do të bësh,” tha Berisha, duke e ftuar Ramën të përballet me të. Ai e quajti Ramën “burrec dy metrash” dhe e akuzoi për fjalë banale dhe të turpshme që përdor në adresë të kundërshtarëve dhe qytetarëve.
Berisha shtoi se Rama është i tmerruar sepse çdo ditë që kalon po e çon atë më afër humbjes së tij përfundimtare dhe se çdo përpjekje për të izoluar PD-në ka dështuar.
“Flet me vete çdo mëngjes, sy më sy, sepse e di që është buzë greminës,” u shpreh Berisha, duke aluduar për situatën politike të kryeministrit. Ai e mbylli fjalën e tij duke akuzuar Ramën për përdorimin e fjalorit të ulët dhe përpjekjet për të krijuar përçarje mes qytetarëve, veçanërisht në familje.
Ndaj edhe burreci dy metrash. I them burrec se e meriton kam ftuar… e ftoj edhe sot. Hajde takohemi këtu në Kuçovë, të japim llogari të dy.
Të shpjegojmë programin. Ti ke 12 vite që ke qeverisur, unë kam 12 vite që skam qenë në pushtet. Urdhëro! Tregoj qytetarëve çfarë ke bërë dhe çfarë do të bësh. S’del dot. Nuk ia mban. Flet me vete çdo mëngjes me veten, sy më sy.
Së dyti, ju e konstatoni, kalojnë nga një shesh në një tjetër, me një tufë fjalësh banale, të turpshme, sikur jo kryeministër, por mund ti vësh çdo epitet. Burrec dy metra i gjatë po i them.
Cfarë flet? Këneta, hardhuca, zhapik, çyrykë, autik, budalla. Ky është fjalori i tij dhe pastaj përpiqet në mënyrë meskine, të krijojë përçarje në familje, duke u thënë se burrat po të mos ishin ju, burrat do bëheshin me bisht.
Këto të gjitha fshehin një tmerrim të tij. Është i tmerruar sepse çdo ditë që kalon e çon atë buzë greminës, disfatës, humbjes së tij përfundimtare. Ai dështoi me çdo përpjekje për të izoluar PD-në.
