Kryeministri Edi Rama ka deklaruar se Partia Socialiste do të dalë fituese në zgjedhjet e 11 majit dhe ka theksuar se kundërshtarët e PS-së janë përpjekur të manipulojnë opinionin publik duke përdorur kritika të pabaza. Ai ka theksuar se ato që thonë kundërshtarët, si “krimi dhe varfëria”, janë të pasakta dhe ka argumentuar se rezultatet e zhvillimeve ekonomike flasin vetë.
Fituesi i 11 majit është PS dhe ata nuk e kujtojnë dot përsenë, sepse kanë kori i bretkosave që u thonë shqiptarëve që këtu ka vetëm krim, varfëri. Sot jemi jemi në përmbyllje të programit të furnizimi me ujë të të gjithë territorit. Ata duan të bëjnë manipulim të opinionit. Mjafton të shkosh në regjistrin e të punësuarve për të parë se sa ishin kur ne morëm detyrën dhe sa janë sot të regjistruar. Do të shohësh se janë mbi 300 mijë të punësuar.Tepelena ishte vendi kur njerëzit ktheheshin vetëm për ngushëllime. Libohova kur unë kam shkelur për herë të parë ishte një shkretëtirë, sot është pjesë e ofertës turistike të qarkut Gjirokastër. 434 dyer, oferta nga Gjirokastra… Këto janë punë, prodhim vendor, ekonomi vendore. Ndaj unë besoj se kemi bërë gjënë më të mirë të mundshme kur ia kemi bërë zero taksa atyre me biznes të vogël. Ka ende gjëra për të bërë dhe duhet të bëjmë më shumë prandaj na duhet mandati i 4-të.
