Lezhë, 4 maj 2025 – Një automjet është përfshirë nga flakët mesditën e së shtunës në aksin nacional Lezhë–Shkodër, pranë fshatit Gocaj. Ngjarja ndodhi rreth orës 13:00, kur mjeti dyshohet se ka humbur kontrollin dhe ka dalë nga rruga, për t’u përfshirë më pas nga zjarri.
Pamjet nga vendngjarja tregojnë një automjet tërësisht të shkrumbuar, ndërsa zjarrfikësit ndërhynë për të neutralizuar flakët. Fatmirësisht, sipas autoriteteve, nuk raportohet për të lënduar, por vetëm për dëme materiale.
Fillimisht në disa media u aludua se ngjarja mund të ishte e lidhur me incidentin e ndodhur në Laç, ku mbetën të plagosur pesë persona. Por kjo u përgënjeshtrua zyrtarisht nga Drejtoria Vendore e Policisë Lezhë, e cila deklaroi se nuk ka asnjë lidhje mes dy ngjarjeve.
Policia po vijon hetimet për të zbuluar shkaqet e plota të aksidentit dhe të zjarrit që përfshiu automjetin
