Martesa mes këngëtarit të njohur Shpat Kasapi dhe bashkëshortes së tij Selvija duket se po përjeton një moment delikat, madje burime për Prive lënë të kuptohet se çifti mund të jetë ndarë.

Megjithëse kjo nuk është hera e parë që flitet për probleme mes tyre, kësaj here situata duket më serioze. Prej javësh, dyshja nuk janë parë më bashkë në publik apo në rrjetet sociale, ku më parë ndanin momente të përbashkëta. Më e dukshmja: ata nuk ndiqen më në Instagram dhe kanë fshirë të gjitha fotot së bashku, një sinjal i qartë në botën e showbizit që shpesh paraprin një ndarje.

Në një mesazh emocional të publikuar së fundmi në InstaStory, Selvija shkruan:

“Po kaloj një periudhë të vështirë në jetë dhe më besoni, nëse unë e kam bërë, mundeni edhe ju! Nuk dua të dëgjoj më ‘Po nuk kam kohë!’, ‘Nuk kam motivim!’ sepse nuk e keni idenë sa shumë do t’jua ndryshojë jetën. Do t’ju bëjë të zonjat e vetes!”

Ky mesazh, që ngjan më shumë si një thirrje për forcim personal në kohë sfide, është parë nga ndjekësit si një shenjë e qartë e një krize të thellë në jetën e saj private.

Derisa të ketë një konfirmim zyrtar nga vetë çifti, fansat do të vijojnë të spekulojnë, por të gjitha shenjat e deritanishme flasin për një ndarje të mundshme mes Shpatit dhe Selvijës.