Qerim Ismailaj, do të vazhdojë të jetë kryetari i Bashkisë së Mallakastrës. KQZ vendosi sot vazhdimin e mandatit të tij, pavarësisht se Prokuroria kishte zbuluar dënimin e tij me 3 vite burg në vitin 2000 nga një gjykatë greke.
KQZ vendos të rrëzojë kërkesën e PD dhe ti vazhdojë mandatin kryebashkiakut të Mallakastrës, Qerim Ismailaj.
Sipas Komisionerit Shtetëror të Zgjedhjeve, Ilirjan Celibashi Ismailaj nuk është në kushtet e ndalimit pasi në Shqipëri për të njëjtën vepër penale rrahje do të kishte marrë maksimalisht gjobë.
”Subjekti i verifikimit, ka kryer vepër penale të rrahjes dhe kjo vepër penale është dënuar me gjobë, në këtë rast kushtet e këtij lehtësimi për të cilin unë mendoj që Komisioneri s’mund të bëjë lexim tjetër, duke vlerësuar që po kjo është vepra penale, por kjo s’ka rëndësi. Jemi para faktit që kemi dënim.
Nuk ka kuptim të flasim për dënimin, kur ka kryer veprën penale. THjesht edhe në mënyrë të plotë jemi para leximit të një vendimi të supozuar të dhënë nga një autoritet juridiksional shqiptar, sipas të cilit ne lexojmë që është dënuër për një kundërvajtje penale dhe për këtë është maksimalisht gjobë.
Për ta bërë dhe më të qartë e bindës, nëse subjekti do të kishte kërkuar, edhe sipas asaj që thotë Prokuroria, të niste procedurën e njohjes së dënimit në Shqipëri. Ky person do të ishte dënuar për veprën penale të rrahjes maksimalisht me gjobë.
Nëse janë kushtet e ndalimit dhe ky do të kishte filluar, ky person nuk do të ishte në kushtet e ndalimit. Për ta konfiguruar edhe në mënyrë më të plotë. çfarë do të ndodhte për një moment nëse KQZ do të vendoste sot.
Për ta përfunduar, vendos konstatimin se Qerim Ismailaj, kryetar i Bashkisë së Mallakastrës nuk përfshihet ne këtë, i vazhdon mandati kryebashkiakut Qerim Ismailaj.”- tha Celibashi.
