Këngëtarja e njohur shqiptare Filloreta Raçi, e njohur si Fifi, ka reaguar së fundmi në rrjetet sociale pas një vale kritika që mori pas një videoje trend në TikTok me Egli Takon. Ndryshe nga pritshmëritë, videoja nuk u prit mirë nga të gjithë, duke nxitur komente negative dhe pyetje mbi arsyet pse Fifi po përkrahnte Egli.
Në një postim emocional, Fifi shprehu zhgënjimin për paragjykimet ndaj angazhimeve të saj, sidomos në rolin e saj si producente:
“Po shoh plot komente, plot zhgënjime, plot fake accounts që paragjykojnë lëvizjet e mia si artiste, më saktësisht si producente,” shkroi ajo.
Fifi zbuloi gjithashtu një surprizë për fansat: një projekt i ri muzikor me Eglin, të cilin e cilësoi si rikthimin e merituar të artistes. Projekti me titullin ‘Jete’ pritet të publikohet nesër në orën 18:00.
“Nesër në orën 18:00 del projekti i ri ‘Jete’ i saj dhe shpresoj shumë ta kuptoni punën e madhe që kemi bërë si ekip,” shtoi ajo.
Duke iu përgjigjur kritikave se Egli prezantohet si influencuese apo tiktoker-e, Fifi e hodhi poshtë këtë ide, duke e cilësuar Egli “një artiste e vërtetë”.
Reagimin e saj ajo e përmbylli me një mesazh të ngrohtë: “Love you guys, Fifi.”
Ky reagim i Fifit vjen në një moment kur shumë artistë po përballen me presionin e opinionit publik në rrjetet sociale, duke sfiduar stereotipet dhe duke mbrojtur krijimtarinë e tyre në forma të ndryshme.
