Tiranë, 29 maj 2025 – Deputetja e Partisë së Lirisë, Monika Kryemadhi, në një prononcim për mediat jashtë Kuvendit, foli për rezultatin zgjedhor të ish-bashkëshortit të saj, Ilir Meta, si dhe për situatën politike në vend.

E pyetur për humbjen e Metës në zgjedhje, Kryemadhi u shpreh:

“Të vetmen keqardhje që kam është që njerëzit ndihen më të varfër dhe të pakënaqur, por kur vjen puna, kutitë dalin në favor të qeverisë.”

Ajo nënvizoi se nuk kishte një rol udhëheqës në fushatën elektorale të Metës:

“Nuk shoh përgjegjësi të madhe. S’kam qenë lidere e fushatës së tij, kam qenë një ndër personat që kërkon këtë votë.”

Deklaratat e Kryemadhit vijnë në një moment reflektimi të brendshëm për Partinë e Lirisë, pas një rezultati të dobët në zgjedhje dhe krizës së thelluar të besimit brenda elektoratit opozitar.