Zbardhen të tjera detaje mbi ngjarjen tragjike të ndodhur këtë mëngjes në Velipojë, ku katër pjesëtarë të familjes Gjoka u plagosën rëndë nga shpërthimi i bombolave të gazit në hotelin e tyre, të cilin kishin shkuar mbrëmë për ta pastruar.
Shërbimi i Djegie Plastikës në QSUT ka dhënë detaje mbi gjendjen e katër të lënduarve në Velipojë, nëna me tre fëmijët.
Mësohet se nëna, dy vajzat dhe djali 12 vjeçar kanë djegie të rënda në trup e janë duke u trajtuar në kujdes intensiv.
“Paraditen e sotme pranë Shërbimit të Djegie Plastikës janë paraqitur pacientët A.Gj mosha 40 vjeç, D. Gj mosha 19 vjeç, K. Gj mosha 15 vjeç dhe E. Gj mosha 11 vjeç. Pas konsultës së parë mjekësore është konstatuar se pacientët kanë djegie të rënda në trup. Aktualisht janë duke u trajtuar me mjekim intensiv dhe në ndjekje të vazhdueshme nga stafi mjekësor”, thuhet në reagimin e spitalit.
