Një shtetas turk që po tentonte të hynte në Shqipëri me 33 mijë dollarë të padeklaruar, ka rënë në prangat e policisë dhe shuma e parave është sekuestruar nga policia.
Pas kontrollit, shtetasit turk N. P., 43 vjeç shërbimet e Policisë Kufitare i kanë gjetur të fshehura në çantën e laptopit, 33000 dollarë, të cilat nuk i kishte deklaruar.
Njoftimi i Policisë
Vijojnë kontrollet e imtësishme për parandalimin, evidentimin dhe goditjen e paligjshmërisë.
Brenda pak ditësh goditet një tjetër rast i mosdeklarimit të të hollave në kufi.
Sekuestrohen 33000 dollarë, procedohet penalisht një 43-vjeçar, shtetas turk.
Shërbimet e Policisë Kufitare në Rinas në bashkëpunim me shërbimet e Doganës Rinas dhe Antitrafikut në Drejtorinë e Përgjithshme të Doganave, në vijim të kontrolleve të imtësishme, në bazë të analizës së riskut, në hyrje të PKK Rinas, kanë kaluar në vijën e dytë, për kontroll më të detajuar të bagazheve, shtetasin turk N. P., 43 vjeç.
Si rezultat i kontrollit, shërbimet e Policisë Kufitare kanë gjetur të fshehura në çantën e laptopit, 33000 dollarë, të cilat ky shtetas nuk i kishte deklaruar.
Në vijim të veprimeve, shtetasi N. P., u procedua penalisht për veprën penale “Mosdeklarim në kufi i të hollave dhe i sendeve me vlerë”, si dhe u sekuestrua në cilësinë e provës materiale shuma e dollarëve.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
