Kryetarja e Kuvendit, Elisa Spiropali, ka thirrur seancën plenare të radhës për ditën e sotme, me nisje në orën 10:00, ku në rendin e ditës përfshihen një sërë projektligjesh dhe akte normative, që shtrihen nga marrëveshje ndërkombëtare te çështje buxhetore dhe dokumentacioni personal.
Megjithëse fokusi zyrtar i punimeve është mbi miratimin e projektakteve të njoftuara, përfaqësuesit e opozitës paralajmërojnë se do të përdorin seancën për të denoncuar manipulimin e pretenduar të zgjedhjeve të 11 majit, ku sipas tyre, “mazhoranca ka bashkëpunuar me banda kriminale për të grabitur votën e shqiptarëve”.
Pikat kryesore të rendit të ditës:
• Miratimi i procesverbalit të seancës së kaluar (29 maj 2025)
• Ratifikimi i marrëveshjes ndërkombëtare mbi të drejtën detare sipas Konventës së OKB-së për diversitetin biologjik detar jashtë juridiksionit kombëtar
• Ndryshime në ligjin e buxhetit për vitin 2025
• Shtesa në ligjin për pasaportat shqiptare
• Shtesa në ligjin për letërnjoftimin elektronik
• Ratifikimi i marrëveshjes së sigurisë Shqipëri–Ukrainë
• Aderimi në Konventën për Themelimin e Zyrës Evropiane të Komunikacioneve (ECO)
Seanca pritet të zhvillohet në një klimë të tensionuar, pasi opozita ka paralajmëruar interpelanca dhe replika të forta, ndërsa nuk përjashtohet as mundësia e bllokimeve proceduriale apo protestash simbolike në sallë.
Ratifikimi i marrëveshjes së huas me Fondin për Zhvillim të Abu Dhabi-t.
Marrëveshja për pjesëmarrjen në programin e Bashkimit Evropian “Doganat”.
Ratifikimi i marrëveshjes së garancisë me BERZH për projektin e OSHEE-së.
12-14. Ratifikimi i marrëveshjeve të financimit me Komisionin Evropian për programet shumëvjeçare në fushën e punësimit, ekonomisë digjitale dhe energjisë për periudhën 2024-2027.
Diskutime për çështje jashtë rendit të ditës.
